Hveravellir 0, Blönduós
200.000.000 Kr.
Atvinnuhúsnæði
herb.
149 m2
200.000.000
Stofur
Herbergi
Baðherbergi
Svefnherbergi
Byggingaár
1936
Brunabótamat
42.810.000
Fasteignamat
11.633.000
Sjá allar myndir stórar Teikningar Senda á vin Sækja PDF

Lýsing


Einar Páll Kjærnested, löggiltur fasteignasali s. 586 8080 kynnir:  Ferðaþjónustan á Hveravöllum er til sölu.
Gistiskálar, tækjabúnaður, innviðir og önnur aðstaða á Hveravöllum er til sölu.  Til staðar er ný vatnsveita og ný afkastamikil fráveita.  Ferðaþjónusta er rekin allan ársins hring á Hveravöllum í 46,8 ha leigulóð.  Fyrir liggur tillaga að deiliskipulagi um uppbyggingu nýrrar hálendismiðstöðvar á Hveravöllum.
Starfsemin á Hveravöllum 
Hveravallafélagið ehf. hefur um árabil rekið gisti- og veitingastarfsemi á Hveravöllum, jafnt í skálum og á tjaldsvæði. Hveravallafélagið hefur 46,8 ha lóðarleigusamnings við Sjálfseignarstofnunina Auðkúluheiðar og er eigandi allra fasteigna, innviða og lausafjár á lóðinni. 
Gestafjöldi. Samkvæmt síðustu könnun Ferðamálastofu komu um 62 þúsund erlendir ferðamenn til Hveravalla yfir sumarmánuðina árið 2016. Með innlendum ferðamönnum er talið að í heildina hafi um 80 þúsund manns haft viðdvöl á Hveravöllum á leið um Kjöl árið 2016. Um 13% þeirra gistu næturlangt í tjöldum og skálum á svæðinu. 
Gistinætur. Árið 2017 voru um 3.500 gistinætur í skálum og um 7.000 gistinætur í tjöldum á Hveravöllum. Ferðaþjónusta er rekin þar allan ársins hring. Um 75% gistingar er yfir sumarmánuðina og þá eru erlendir ferðamenn stærsti hluti gesta. Yfir vetrarmánuðina eru Íslendingar í meirihluta gesta. Gistirými í skálunum tveimur er fyrir 59 gesti og er gisting nánast uppbókuð á tímabilinu 20. júní til 20. ágúst. Að meðaltali eru 15-30 tjöld á tjaldsvæðinu auk húsbíla yfir sumarið, en fer yfirleitt ekki yfir 100 tjöld. 
Húsakynni, búnaður, innviðir og fjárfestingar 
Nýi skálinn. Í nýrri skálanum á Hveravöllum er veitingastaður, snyrtingar og sturta og gisting í uppábúnum rúmum í 3ja manna herbergjum með sameiginlegum baðherbergjum og morgunverði. 
Gamli skálinn. Í skálanum er boðið upp á klassíska skálagistingu með eldunaraðstöðu. 
Uppbygging innviða. Frá árinu 2011 hefur Hveravallafélagið varið um 100 milljónum króna til að byggja upp innviði og hreinsa til á svæðinu í samvinnu við Umhverfisstofnun og fleiri. Þar á meðal má nefna öfluga fráveitu, nýja niðurgrafna kaldavatnslögn tengd nýrri borholu, borun eftir heitu vatni utan hverasvæðisins, öflugri fjarskipti, sorpförgun, öryggisaðstöðu fyrir tjaldgesti og gangstíga. Árangur inn af þessum aðgerðum hefur verið mikill og leiddi til þess að Umhverfisstofnun tók Hveravelli af Rauða listanum um náttúruverndarsvæði í hættu strax árið 2014. 
Rafmagn. Á næsta ári mun útblástur og hljóðmengun frá dísilrafstöð vonandi heyra sögunni til. Rekstraraðilar á sunnanverðum Kili hafa lagt í samstarf með hagaðilum um jarðstreng frá Bláfellshálsi. Ljóst er að tilkoma þessa rafstrengs yrði afar jákvætt innlegg í þá náttúru-upplifun sem ferðamenn sækjast eftir á Hveravöllum. 

Hveravellir hafa frá alda öðli verið áningarstaður á Kili. Hveravellir eru álíka langt úr byggð að norðan og sunnan, um 12 tíma reið hér áður fyrr. Sæluhús var byggt á Hveravöllum árið 1922 á fornum sæluhúsrústum. Staðsetningin og hverasvæðið gera Hveravelli að náttúrulegum áningarstað og hefur svo verið fram á þennan dag. Margir ferðamenn á leið um Kjöl sækja í að stoppa um hríð á Hveravöllum eða gista næturlangt. 

Deiliskipulagstillaga fyrir nýja hálendismiðstöð á Hveravöllum 
Deiliskipulagstillaga um byggingu nýrrar hálendismiðstöðvar á Hveravöllum var lögð fram árið 2016. Áformað er að byggingin verði að mestu eða öllu leyti fyrir utan friðlýsta hverasvæðið og leysi af hólmi núverandi húsakynni og bílastæði. Hálendismiðstöðin samræmist að öllu leyti landsskipulagi fyrir miðhálendi Íslands og uppfyllir öll viðmið um gistingu í hálendismiðstöðvum samkvæmt landsskipulagsstefnu. 
 




Sækja PDF

Vinsamlegast fyllið út formið hér fyrir neðan!

CAPTCHA code


Einar Páll Kjærnested
Löggiltur fasteignasali